Ad Completorium.
Antiphona: Sancta Maria Virgo.
1Deus vitam meam annuntiavi tibi * posuisti lacrimas meas in conspectu tuo (Ps 55,8-9).
2Omnes inimici mei adversum me cogitabant mala mihi (Ps 40,8) * et consilium fecerunt in unum (cf. Ps 70,10).
3Et posuerunt adversum me mala pro vobis * et odium pro dilectione mea (cf. Ps 108,5).
4Pro eo, ut me diligerent, detrahebant mihi * ego autem orabam (Ps 108, 4).
5Mi pater sancte (Ioa 17,11), rex caeli et terrae, ne discesseris a me * quoniam tribulatio proxima est et non est qui adiuvet (Ps 21,12).
6Convertantur inimici mei retrorsum * in quacumque die invocavero te, ecce cognovi, quoniam Deus meus es.
7Amici mei et proximi mei adversum me appropinquaverunt et steterunt * et proximi mei a longe steterunt (Ps 37,12).
8Longe fecisti notos meos a me * po-suerunt me abominationem sibi, traditus sum et non egrediebar (Ps 87,9).
9Pater sancte (Ioa 17,11), ne elongaveris auxilium tuum a me (Ps 21,20) * Deus meus ad auxilium meum respice (cf. Ps 70,12).
10Intende in adiutorium meum * Domine Deus salutis meae (Ps 37,23).
11Gloria Patri et Filio et Spiritui Sancto: Sicut erat in principio et nunc et semper et in saecula saeculorum. Amen.